CONTOH MAKALAH KESENIAN MUSIK TONGTONG SUMENEP MADURA

MAKALAH 

Budaya Kesenian Musik

Tong-Tong SUMENEP

JAWA TIMUR

Disusun Oleh:

AGUS YUDHO YONO

                                                         A.HARIS MARHADI

ALI NAJHI A.N

KHALIL JAZULI

NOR FAIZEH

USWATUN AINI

XII IPA 1

KELOMPOK 1

SMA NEGERI 1 AMBUNTEN

2016

Kata pengantar

Pojhe ben pojhi sokkor de’ ghuste Allah SWT, sabeb karana atas karidha’an jughan rahmattah abdhina sadheje bisa mamareh tugas karya toles e bakto se ampon e tantoaghi.
   Dhining paneka panoles ngatorraghie karya toles aropa makalah se a judul “Kesenian TONGTONG”,se menurut abdhina sadheje bisah aberri’ manfaat se raje dhe’ sampeyan sadheje.

   Lebet kata pengantar panika panoles nyo’ona sapora ka’ade’ sabeb esseh e dhalem makalah panika benyak kasalahan bhasa kakorangan esse sareng nyinggung panjhennengan sadheje.

  Deri panika abdhina sadheje ngatorraghina makalah panika jhugan kalangkong se benyak epon ,mogha-mogha Allah SWT abherri’ barokah saenggha aberrik manfaat de’ oreng benyak.

 Amin

Daftar Isi

- BAB I PENDAHULUAN
            A. Latar Belakang .............................
            B. Rumusan Masalah ........................

            C. Tujuan Masalah............................

- BAB II ISI
             A.  Pengertian .................................
             B.   Pembahasan Isi judul..................

- BAB III PENUTUP
             A. Kesimpulan.....................................
             B. Saran...............................................

  

BAB I
PENDAHULUAN

1.1  Latar Belakang

kesenian tradisional aropa’aghi sala’settong unsur kabhudaya’an,e dhalem ka’odi’en se tak leppas deri masyarakat jhugan lingkungan epon.Adhesarraghi hal panika bisa e koca’aghi jhe’ kasenian (tamassok musik) tradisional se bede e settong kalompok masyarakat se laen ben kasennian masyarakat laenna. Panika e sabbebaghi musik tradisional aropa’aghi karya deri lalakonna manossa se aropa’aghi sefat-sefat se pade sareng nilai,keyakinan sareng pangataoenna seniman sareng kennegenna.Kesenian tradisional biasanya etarema kaangguy sangkolan dari generasi sebelumma de’ generasi anyar. Dalam prosessa kesenian tradisional umumma bede pangoba’an-pangoba’an samarena ampon e tarema panerossa. Pangoba’an bisa aropa aobe sabegien bisa aobe sakabbhi’enna.

Kesenian tradisional se ampon bede emasyarakat samangken benyak macemma tongsettongah kasenian andik ciri khas se ampon deri kennengan epon. Sala’ settong contona kesenian tradisional engghi ka’dhinto musik tongtong se bede e Kabupaten Sumenep, Jawa Timur. 

1.2       Rumusan Masalah

1.     Apa se e sebbhut Kesenian musik tong-tong panika?

2.     Keghunaan dan manfaat musik tong tong da’ kota sumenep

3.     bhidena Alat musik tong tong se e sumenep sareng laenna

4.     Konsep agebey alat musik tong tong

1.3       Tojjhuen

1. Ngaoningih  kesenian musik tong tong

2. Ngaoningih kegunaanah sareng  peran tabbuwen  tong tong dha’ kota sumenep

3. Ngaoningih bidhanah  alat tabbuh  tong tong se umum

4. Ngaoningih  Konsep pembuatan alat musik tong tong

 2.1              maksod deri Kesenian musik tong tong

Perreng de’ bhangsa indonesia panika bharang se tak bisa e pesa’aghi deri kaodi’en resa’are. Para’ kabbhi kennengan e Nusantara ta’ ce’ malaraddha jhugan bisa e sebbhut ghempang nemmuih se enyamae perreng panika.benyak pakakas se asallah aropa’aghi perreng ,engghi ka’dhinto contoepon pakakas ghebey amassak sareng pakakas ghebey aperrang padena jheman sabellunah indonesia mardeka kabbhi panika deri perreng jhugan tak lopot deri pakakas se e ghebey bhutabbhuen.

bhutabbhuen deri perreng pade sareng tongtong aropa’aghi sittong deri benyakna pakakas ghebey bhutabbhuen se benyak e angghuy suku e indonesia.

Tongtong asallah pakakas bhutabbhuen se e kaangghuy tongsettong oreng se e ghebey guna masenneng ka abekna dhibik e bekto e tenga saghere, lapangan, alas otabe e sabe. Tongtong jhugan e angghuy gebey pakakas komunikasi ghebey ngumummaghi hal se sefaddhe pabheje

e bekto samangken, perreng ampon benyak eghuna’aghi ghebey amain orkes otabe ansambel, panika se ekamain sareng pakakas tabhuen laenepon.

Musik tradisional akadhi tongtong aropa’aghi aspek kebudayaan se tak bisa lepas dari masyarakat epon. Musik ponapa bei tak kera bisa tombu ban raja tanpah badana dukungan se sae dari masyarakat epon.

Musik tongtong ghik de’kaadekna panika musik se e kamain bengsebeng oreng, namong aobe deddhi seni se nampilaghi ghebey masenneng masyarakat benyak, tongtong panika tak comak aropa’aghi alat ghebey masenneng oreng ,panika jhugan e ghebey alat ma raket hubungan antar masyarakat khususepon nyipta’aghi rasa nyaman tor aman.

2.2            Keghunaan ban manfaatdhe musik tong tong da’ kota Sumenep

Cemmacemma kaghuna’an ben perananna de’ masyarakat  khususepon engghi ka’dhinto se nomer settong gebey media hiburan, jugan se kadue’ sosialisasi se bisa ngibe sen pessen de’ masyarakat. Panika aghendu’ arte de’ masyarakat , madepa’ pesen moral ben pendidikan jhugan pesen ka aghema’an se kabenya’an masyarakaddhe agama islam

2.3            Bhidena Alat musik tong tong sumenep sareng laenna

Instrumen tongtong se bede e sumenep andik kalaenan sareng instrumen se bede e situbondo. Tongtong situbondo andik kalaenan engghi panika ruang resonator (lobeng e perreng) bede dedue’ ,namong se bede e madura khusussa sumenep perak bede settong ruang resonator

Alat ghebey nabbhu (koltokol) panika andik okoran katebbelen korang lebbi 2,5 cm ban lanjheng korang lebbi 30 cm ,kaghebey deri kaju otabe perreng se e lapese karet otabe ban.

2.4  Konsep dhelem aghebey Alat Musik Tongtong Sumenep

Syarat delem aghebey tongtong panika bahan epon , bahan perreng panika aropa’aghi perreng se tergantung sefat ben macem epon perreng. Macemma pereng se cocok eghebey bahan panika perreng se kokoh jhugan loros , salaen ngangguy perreng masyarakat sumenep jhugan ngangguy kaju khusus ghebey gente deri perreng . salaen panika perreng kasebbhut nyare se tahan  e angghuy abit . salaen ghepanika perreng se epele  panika perreng se bisa e bisa e patel (di pahat) saenggha sabekto e pathel (e lobengi) perreng tak lekkas belle (pecah) otabe potong. Perreng se cocok deri persyaratan panika perreng beddhung ben perreng kaju, salaen ghenika perreng kodhu kerreng ben omorra ampon tua namong tak alpo’, sakabhi’enna panika bisa ngasillagghi kualitas se bidheh.

Panika cara aghebey tongtong epon.

pangerra’an perreng e sesuaiaghi ben ukuran sareng diameret

Proses awal perreng e sabe’ e delem aing korang lebbi saminggu ,panika atojjhuen makle perreng deddhi awet, salastarena proses e sabe’ e aing lastare panika salanjuddhe proses makerreng.

Proses makerreng perrengpanika cokop abit korang lebbi 6 bulan sampek 1 taon sampek perreng panika ce’ kerrengah

Proses alobengi ruang resonator ekalako salastarena lapessena kole’ perreng panika e pa’alos, salas tarena e pa’alos ngangguy ampelas . sabelluna e lobengi kodhu tantoaghi lebar ben lanjheng lobeng resonator.

Proses nyetel (nyocokaghi nada se e kabhuto).

Proses finishing, engghi panika proses se aberrik hiasan bernah otabe ghember jhugan laen epon

deri proses de’ade’na sampek proses akher biasana e lakoni jhugen ritual (erokat). Panika atojjhuen ghebey tongtong panika sopaje aberrik manfaat khususepon se andik. Saongghunah rokat panika serring e kalakoni sareng masyarakat ,contoepon akadhi nyalameddhi kendara’an se ghik buru e belli tor laen epon.

 Kesimpulan

Deri penjelasan ka’dhinto bisa e rengkes jhe’ kesenian tradisional ka’dhinto sala settong unsur budaya e delem kaodi’an se takbisa lepas deri se eadukung sareng kabede’en. Deri masalah kasebbhut bisa e oca’aghi jhek seni panika bede e settong kalompok masyarakat se laen-laen antar masyarakat epon. Hal panika esebabaghi musik tradisional aropa’aghi settong hasel seni deri lalakon re sa’arena manossa se tantona manampa’aghi sefat-sefat se sasuai sareng nilai, keyakinan, ben pangatahuan seniman khususepon se ahubungan sareng kenengganepon seniman.  Kesenian tradisional panika biasana e tarema kaangguy sangkolan deri generasi sabelumma ka generasi se samangken . delem tahap epon seni tradisional biasana ngalami pangoba’an samarena e tarema sareng generasi  anyar . aobenah epon bisa aropa’aghi aobe sabegien otabe kabbhi deri ropa seni epon

Saran

 Budaya aropa’aghi settong lalakon se takbisa e pesa’aghi deri ka’odi’en masyarakat indonesia. Budaya panika penting de’ masyarakat, namong e jheman modern panika budaya se bede e indonesia ampon tak sering e tampilaghi, deri  tari, seni patong sareng laen epon, molae e kaloppae sareng benyak masyarakat. Deri panika abdina sadheje kodhu ajege kebudayaan se bede e indonesia , khusus epon kebudayaan seni. Deddhina settong kebudayaan bremma cakna generasi muda , napa bisa generasi anyar panika bisa alastareaghi kabudayaan kasebbhut de’ poikompoiah . nyebebaghi deddhina settong kabudayaan se e warisaghi deri generasi anyar.

Sumber : pemilik tongtong lendhu saghere ~ AMBUNTEN SUMENEP

MOHON MAAF JIKA TERJADI KESALAHAN KATA DIMANA" MOHON SARANYA . SEMOGA BERMANFAAT ~